WTA reytingi. Top-10`da o'zgarishlar. Vlada Yakshibarova yana "o'zbekistonlik", u endi ikkinchi raketkamiz!

Dunyo tennis malikalari Top-10`taligida o'zgarishlar kuzatildi. Pekindagi WTA 1000 toifasiga kiruvchi turnirda chempion bo'lgan amerikalik Kori Goff 6-pog'onadan 4-o'ringa ko'tarilib oldi. Qozog'istonlik Elena Ribakina aksincha 5, italiyalik Jasmin Paolini esa 6-o'ringa tushgan. Belaruslik Arina Sobolenko dunyoning ikkinchi raketkasi bo'lib turibdi. Polshalik Iga Svyontek hamon katta farq bilan reyting karvonboshiligini davom ettirmoqda. 

Etiborlisi, yangilangan reytingdan yana uch nafar tennischimiz joy olgan. Uzoq muddat Isroil sharafini himoya qilib kelgan, o'sha mamlakat chempioni ham bo'lgan 35 yoshli Vlada Ekshibarova yana O'zbekiston bayrog'i ostida WTA reytingiga kiritilibdi. U endi mamlakatimizning ikkinchi raketkasi. Vlada o'tgan hafta bilan taqqoslaganda, 34 o'ringa yuqorilab, 769-pog'onadan joy olgan. Faoliyatidagi eng yuqori reytingi 352-o'rin bo'lgan. Uchinchi raketkamiz Milana Maslenkova 27 o'ringa yuqorilab, 1370-pog'onani band etgan. Birinchi raketkamiz Nigina Abduraimova esa o'tgan haftadagi o'rnini saqlab qoldi. 

WTA reytingi. 7 oktyabr kungi holat:

1 (1). Iga SHvyontek (Polsha) — 9785 ochko

2 (2). Arina Sobolenko (Belarus) — 8716

3 (3). Jessika Pegula (AQSH) — 5945

4 (6). Kori Gauff (AQSH) — 5593

5 (4). Elena Ribakina (Qozog'iston) — 5481

6 (5). Jasmin Paolini (Italiya) — 5293

7 (7). CHjen Cinven (Xitoy) — 4300

8 (8). Emma Navarro (AQSH) — 3698

9 (9). Daniel Kollinz (AQSH) — 3178

10 (10). Barbora Kreychikova (CHexiya) — 3161…

O'zbekistonlik tennischilarning WTA reytingidagi o'rni:

310 (310). Nigina Abduraimova – 199

769 (803). Vlada Ekshibarova – 38

1370 (1397). Milana Maslenkova – 4