Xaas SHumaxer bilan hamkorlikni to'xtatdi

«Formula-1» bo'yicha Abu-Dabi Gran-prisi kichik SHumaxer uchun jamoadagi so'ngi poyga bo'ldi.

«Mik SHumaxerga so'nggi yillarda jamoa rivojiga qo'shgan hissasi uchun minnatdorchilik bildirmoqchiman. Mik o'smirlar o'rtasidagi chempionatlarda muvaffaqiyat qozondi. SHundan so'ng bizning jamoamiz bilan poygachi sifatida rivojlandi  va bu mavsumda ochkolar borasida ham muvaffaqiyatga erishdi.

Garchi biz turli yo'llarni tanlagan bo'lsakda, butun jamoa Mikga kelajakdagi faoliyatida omad tilaydi», - dedi «Xaas» bosh murabbiyi Gyunter SHtayner.

«Xaas» tez orada «Formula-1»da hech qachon shohsupaga chiqa olmagan poygachi 35 yoshli Niko Xyulkenberg bilan shartnoma imzolashini elon qilishi kutilmoqda.

Mik SHumaxer esa faoliyatini «Mersedes»da zaxira haydovchisi sifatida davom ettirishi mumkin.