17 avg 12:07
Yangiliklar

Tennis

Xachanov Cincinnati "Masters"dagi ishtirokini boshladi

AQSHning Cincinnati shahrida "Masters" seriyasiga kiruvchi ATP turniri bo'lib o'tmoqda.

Dunyoning 30-raketkasi bo'lib turgan Karen Xachanov musobaqadagi ishtirokini g'alaba bilan boshladi. Rossiyalik tennischi ilk davrada ATP reytingining 76-pog'onasidan joy olib turgan Janubiy Afrika Respublikasi vakili Kevin Andersonni mag'lub etdi - 6/2, 6/4.

Bir soatu 26 daqiqa davom etgan bahsda 25 yoshli Karen uchta breyk-poyntni amalga oshirdi, 35 yashar Kevin esa 11 ta eys zarbani ijro etdi. Tennischilarning o'zaro uchrashuvlaridagi hisob muvozanati tiklandi - 1:1. Endi Xachanov Western & Southern Open turnirining ikkinchi davrasida kanadalik Feliks Ojega qarshi kortga chiqadi. Aynan Oje Toshkent CHellenjer turnirining so'nggi g'olibi hisoblanadi.