Xalep Uimbldon turnirining ilk yarim finalchisi

Ruminiyalik tennis malikasi hozirgina yakuniga etgan chorak final uchrashuvida xitoylik CHjan SHuayni mag'lubiyatga uchratdi. Xalep 1 soatu 26 daqiqa davom etgan bahs yakunida reytingning roppa-rosa 50-pog'onasidan joy olgan raqibasini 7/6(4), 6/1 hisobida taslim etdi.

Simona va CHjan uchrashuv davomida bor yo'g'i bittadan eys zarbasini amalga oshirishdi. Tennischilarning o'zaro uchrashuvlaridagi hisob esa tenglashdi - 2:2. Endi Xalep turnirning yarim finalida ukrainalik Elina Svitolina yoki chexiyalik Karolina Muxovaga qarshi kortga chiqadi.