Xalqaro Turon federaciyasi tobora rivojlanmoqda

O'zbekistonning Nyu-York shahridagi Bosh konsulxonasi ko'magida 2025 yilda o'zbekistonlik vatandosh Farrux Niyazimbetov tomonidan tashkil etilgan Xalqaro Turon federaciyasi bugun o'z taraqqiyotining yangi bosqichiga ko'tarilmoqda, deb xabar qilmoqda “Dunyo” AA muxbiri.

O'tgan davr mobaynida federaciya tomonidan zarur tashkiliy baza shakllantirildi. Bu esa milliy sport tuzilmalari bilan o'zaro hamkorlikning barqaror modelini yaratish va ishtirok etish geografiyasini amalda kengaytirishga kirishish imkonini berdi.

Hozirgi kunda Xalqaro Turon federaciyasi tarkibiga SHimoliy va Janubiy Amerika, Evropa va Osiyo mamlakatlarining milliy associaciyalari kiradi. Turon AQSH, Kanada, Meksika, Kosta-Rika, Buyuk Britaniya, Niderlandiya, Turkiya va Yaponiyada rivojlangan. Yangi Zelandiya va Misrda milliy tuzilmalar yaratish ustida ish olib borilmoqda.

Lotin Amerikasi mamlakatlarida Turon yakkakurashini rivojlantirish alohida faoliyat yo'nalishi bo'ldi. Boliviyada milliy federaciya davlat sport organlari bilan hamkorlik qiladi. Bu ushbu yakkakurash turining rasmiy maqomi va belgilangan sport standartlariga muvofiqligini tasdiqlaydi.

Evropada ushbu yakkakurash turini rivojlantirish bo'yicha boshqaruv organi vazifasini bajaruvchi British Turon Association tashkilotining tashkil etilishi muhim qadamlardan biri bo'ldi.

Turon faol xalqaro kengayishiga qaramay, o'zining tarixiy va manaviy vatani sifatida O'zbekiston bilan mustahkam aloqani saqlab qolmoqda. Uning o'zbek milliy ananalariga asoslangan falsafasi, qadriyatlari va axloqiy tamoyillari federaciyaning xalqaro va milliy tuzilmalari orqali izchil targ'ib qilinmoqda.