Toshkent Turon sporti bo'yicha tarixiy Jahon chempionatiga mezbonlik qiladi

Tarixi ming yillarga borib taqaladigan milliy sport turimiz bugungi kunda Evropa, Osiyo va Amerika qitasidagi 20dan ortiq davlatda o'z bo'limlarini ochdi. 

Xalqaro Turon federaciyasi ushbu sport turi ommaviyligini yanada oshirish maqsadida birinchi Jahon chempionatini o'tkazishga qaror qildi. O'smirlar va yoshlar o'rtasida o'tkaziladigan mazkur musobaqaga Turon sportining vatani O'zbekiston, yanada anig'i Toshkent shahri mezbonlik qiladi. 

Tarixiy musobaqa U-15, U-17 hamda U-19 yosh toifalarida o'tkazilib, unda o'g'il bolalar 11ta, qizlar esa 10ta vazn toifasida o'zaro bellashadi. SHuningdek birinchi Jahon chempionatida ishtirokchilar erkin mashq yo'nalishida ham o'z mahoratini namoyish etishlari mumkin.

Ilk marotaba tashkil etiladigan Jahon chnmpionatida AQSH, Kanada, Meksika, Venesuela, Boliviya, CHili, Buyuk Britaniya, Gollandiya, Polsha, Turkiya, Markaziy Osiyo davlatlari hamda mezbon O'zbekiston kabi jami 20dan ortiq davlatdan 200 nafarga yaqin sportchi ishtirok etishi kutilmoqda. Jahon chempionati bahslari joriy yil 1-5 iyun kunlari Toshkentdagi JAR sport majmuasida tashkil etiladi. 

Ajdodlarimizdan meros bo'lgan Turon sport turining haqiqiy shiddati va jozibasidan zavq olishni istasangiz, 2026 yil 1-5 iyun kunlari JAR sport majmuasiga tashrif buyuring.

Hurmat bilan, Otabek Eshmamatov - Xalqaro Turon federaciyasi Jamoatchilik bilan aloqalar va media bilan ishlash masalalari bo'yicha vice-prezidenti