Xivada xalqaro Etnosport doirasida belbog'li kurash bo'yicha turnir o'tkazilyapti FOTOGALEREYA

Mazkur festival doirasida milliy sport turimiz sanalgan belbog'li kurash bo'yicha  erkaklar o'rtasida beshta vazn toifasida xalqaro turnir o'tkazilmoqda.

O'zbekiston Respublikasi yoshlar siyosati va sport vazirligi hamda Jahon belbog'li kurash associaciyasi tomonidan o'tkazilayotgan shuningdek, Osiyo belbog'li kurash konfedraciyasi hamda O'zbekiston belbog'li kurash federaciyasi bilan hamkorligidagi mazkur nufuzli xalqaro turnirda Hindiston, Mo'g'uliston, Ozarbayjon, Rossiya, Qozog'iston, Qirg'iziston, Tojikiston, Turkmaniston kabi 10 dan ortiq davlatlarning nomdor polvonlari g'oliblik ishtirok etmoqda. 

Turnir doirasida kecha 8 sentyabr kuni Xiva shahrida Jahon belbog'li kurash associaciyasi prezidenti Azizbek G'aniev raisligida navbatdagi kongress ham tashkil etildi. Kongressda Jahon belbog'li kurash associaciyasi tomonidan amalga oshirilayotgan ishlar sarhisob qilindi.

SHuningdek, kongressda jahon belbog'li kurash associaciyasi prezidenti Azizbek G'aniev  Ozarbayjon, Litva, Turkmaniston, Tojikiston, Qozog'iston, Qirg'iziston, Italiya, Ispaniya, Rossiya, O'zbekiston, Hindiston, Eron, AQSH, SHveciya, Janubiy Koreya, Yaponiya, Xitoy, Gruziya, Isroil, Mo'g'uliston, Estoniya hamda Latviya belbog'li kurash federaciyasi rahbarlariga azolik sertifikatlari topshirildi.

Kongress so'nggida Amerika Qo'shma SHtatlari belbog'li kurash federaciyasi vakili, Toshkent-Sietl hamdo'stlik shaharlari associaciyasi raisi Lola Zaxarova bilan AQSHda belbog'li kurashni ommalashtirish borasida Jahon belbog'li kurash associaciyasi prezidenti Azizbek G'aniev, Osiyo belbog'li konfedraciyasi raisi Mo'min Muratov hamda O'zbekiston belbog'li kurash federaciyasi raisi Ravshan Dastirovlar bilan hamkorlik memorandumi imzolandi.

Xalqaro turnir 10 sentyabrga qadar davom etadi.

Ilhom RAHMONOV tayyorladi