XOQning navbatdagi sessiyasida samboni doimiy tan olish masalasi ko'riladi

Bugun Yaponiyaning Tokio shahrida Xalqaro Olimpiya qo'mitasining navbatdagi sessiyasi boshlanadi. Onlayn tartibda o'tkaziladigan ushbu sessiya 12 martga qadar davom etadi. Unda sambo sport turini tan olish masalasi ko'rib chiqiladi.

Sambo Olimpiya oilasiga kirish niyatini 2009 yilda malum qilgan edi. Xalqaro sambo federaciyasi (FIAS) XOQ tomonidan 2018 yilning noyabrida vaqtincha tan olingan. O'tgan yili koronavirus pandemiyasiga qaramasdan tomoshabinlarsiz bo'lsa ham sambo bo'yicha jahon chempionati o'tkazildi. «Eurosport» telekanali tomonidan olib ko'rsatilgan jahon birinchiligi musobaqalarini 30 million teletomoshabin ko'rganligi qayd etildi.

Sambo XOQ tomonidan doimiy tan olinsa, FIAS sportning ushbu turini Olimpiya o'yinlari dasturiga kiritish borasidagi say-harakatlarni boshlaydi. Mutasaddilar 2028 yilda Los-Anjelesda bo'lib o'tadigan Olimpiada o'yinlarida sambo bo'yicha ham musobaqalar bo'lib o'tishiga umid bog'lashmoqda.