Xorijlik hakam va murabbiylar kurash qoidalarini O'zbekistonda o'rganishadi

Xalqaro kurash instituti hamda O'zbekiston kurash federaciyasi tomonidan ilk bora tashkil etilgan mazkur anjumanda milliy kurashimizni rivojlantirish bo'yicha takliflar ham ilgari surilmoqda.

Kurash sportining 2018 yildan etiboran Osiyo o'yinlari dasturiga rasman kiritilishi unga bo'lgan qiziqishni sezilarli darajada oshirib yubordi. Natijada dunyoning juda ko'plab davlatlaridagi murabbiy va hakamlarda kurash qoidalari bilan yaqindan tanishishga ehtiyoj tug'ildi. Ana shu maqsadda Xalqaro kurash instituti hamda O'zbekiston kurash federaciyasi tomonidan tashkil etilgan anjuman xorijlik mutaxassislarning kurash qoidalarini ham nazariy, ham amaliy jihatdan o'rganishlarida qo'l keladi.

Xalqaro seminarda o'zbekistonlik murabbiy va hakamlar bilan bir qatorda Markaziy Osiyo davlatlaridan Eron, Tojikiston, Qirg'iziston, Turkmaniston, Afg'oniston, qolaversa, Ozarbayjon, Xitoy Taypeyi, Iroq kabi o'nlab mamlakatlardan 50 nafarga yaqin mutaxassis ishtirok etmoqda.

Tadbirda Kurash Xalqaro associaciyasi asoschi raisi Komiljon Yusupov ushbu sport turining bugungacha bosib o'tgan yo'li haqida qisqacha malumot berdi. Xalqaro seminarda ishtirok etayotgan Kurash Xalqaro associaciyasining texnik direktori, eronlik Rizo Nosiriy Osiyo o'yinlaridan keyin kurash sport turi bo'yicha hakamlar va murabbiylarga bo'lgan talab ortganligini alohida etirof etdi.

SHuningdek, seminarda yana bir masala – Xalqaro Kurash institutini Xalqaro Kurash Universitetiga o'zgartirish va ushbu sport turidagi talim tizimini yangi bosqichga olib chiqish masalasi ham muhokamaga qo'yildi va bir ovozdan maqullandi. O'n kun davom etadigan xalqaro seminarda ishtirokchilar olgan bilimlarini amaliyotda sinab ko'rish imkoniyatiga ham ega bo'lishadi.

- Kurash bugungi kunda dunyo sporti oilasi safiga dadil kirib bormoqda. Ayniqsa, XVIII yozgi Osiyo o'yinlaridan keyin unga bo'lgan qiziqish yanada ortdi, dedi biz bilan suhbatda Kurash Xalqaro associaciyasi texnik direktori, eronlik Rizo Nosiriy. – Biz bugun kurash vatanida bo'lib qoidalar bilan yaqindan tanishib olishni maqsad qilganmiz. Osiyo o'yinlaridan keyin qitamizdagi bazi davlatlarda kurash qoidalari kitob shaklida chop etilgan va ularda ayrim xatoliklar uchramoqda. SHuni aytish kerak, bugun dunyo tan olgan sport turi kurash qoidalari Komiljon Yusupov tomonidan ishlab chiqilgan va unga o'zgartirishlarni ham aynan kurash Vatani vakillari amalga oshirishi mumkin. Nazarimda, bugungi kurash qoidalari mukammal ishlab chiqilgan va uni yanada yaxshi o'rganib, keng targ'ib etishimiz kerak.

- 2018 yil kurash sporti tarixida o'chmas iz qoldirdi, desam mubolag'a bo'lmaydi. Davlatimiz rahbarining kurashni rivojlantirishga oid qarorida belgilab berilganidek, 6 sentyabr – “Kurash kuni” sifatida ilk bor rasman nishonlandi. Yurtimizda O'zbekiston Prezidenti sovrini uchun o'tkazilgan xalqaro turnirlar ham saviyasi jihatidan yuksak darajada tashkil etildi va bu jarayonda hamkor tashkilotlarimizning ham xizmatini alohida takidlab o'tish joiz. Osiyo o'yinlari dasturiga kurashning kiritilgani esa alohida tarix. Endi dunyoda kurash sport turiga bo'lgan ehtiyoj ortdi. Ular qoidalarni, umuman, kurash sporti tarixini qaerdan o'rganadi? Albatta bizdan. SHu maqsadda Xalqaro kurash institutining faoliyatini qayta ko'rib chiqish va uni Xalqaro kurash universitetiga aylantirishga qaror qildik. O'ylaymanki, bunday seminarlar bundan buyon yanada ko'p o'tkaziladi va kurash oilasi safi yanada kengayadi, - dedi Kurash Xalqaro associaciyasi asoschi raisi Komiljon Yusupov.

Otabek Eshmamatov, Muhammad AMIN (surat), O'zA