Xotambek Boynazarovning navbatdagi raqibi va jang sanasi malum bo'ldi, u Furqatbek Yoqubov bilan bir kardda jang qiladi

Unga ko'ra, hamyurtimiz 26 avgust kuni Birlashgan Arab Amirliklarining Abu-Dabi shahrida tashkil etiladigan UAE Warriors 44 musobaqasida oktagonga ko'tariladi. Boynazarovga o'sha kuni Franciya vakili Mikail Bayram (6-2-0) raqiblik qiladi.

Mazkur musobaqada, shuningdek, yana bir o'zbekistonlik jangchi - Furqatbek Yoqubov ham oktagonga ko'tariladi.

Boynazarov bu jangga BAAda, o'zbekistonlik taniqli murabbiy Husan Majlimov qo'lida tayyorgarlik olib bordi.

Eslatib o'tamiz, Xotambek Boynazarov so'nggi jangini mart oyida tashkil etilgan Octagon 42 turnirida ozarbayjonlik Tural Feyzalievga qarshi o'tkazib, g'alaba qozongan edi. Mikail Bayram esa oxirgi jangini fevral oyida Daniel Kolashinskiga qarshi o'tkazib, zafar quchgan edi.