Xotira turniri ortidan sport ommaviyligi

Tumandagi qaraib barcha umumtalim maktablari o'quvchilarini qamrab olgan xotira turnirida ikki mingdan ortiq futbolsevar yoshlar ishtirok etishdi. 

-Mazkur xotira turniri uzoq yillardan buyon ananaviy ravishda o'tkazib kelinmoqda. Avvalo buni yosh avlodning o'qituvchi-murabbiylarga bo'lgan yuksak hurmat etibori ramzi sifatida qabul qilishimiz mumkin. Oldingi yillarda musobaqalar bitta hududda besh yuzga yaqin ishtirokchilar orasida tashkil etilgan bo'lsa, bu yildan Xotira turniri “tuman Hokimi kubogi uchun” maqomini oldi va unining ishtirokchilari soni to'rt barobar ortdi, -deydi Kattaqo'rg'on tumani xalq talimi bo'limi metodisti Qamariddin Turdiev.

Hududlarda o'tkazilgan murosasiz bahslarda birinchi o'rinlarni qo'lga kiritgan jamoalar yarim finalga yo'l olishdi. Moybuloq QFY hududidan 73 sonli umumtalim maktabining “Burgan” jamoasi, “Payshanba” QFY hududidan 5 sonli umumtalim maktabi “Yosh futbolchi”, Kattaming va Qo'shtepa QFY hududlaridan 28 sonli umumtalim maktabining “Yangiobod” jamoasi, Kattaqo'rg'on shahar hududidan 57 sonli umumtalim maktabi “Kattaqurg'on” jamoasi finalga chiqish uchun kurashni davom ettiradigan bo'ldi. Natijalar.

Yarim finalda:

“Yangiobod” – “Yosh futbolchi” 1-2

“Kattaqo'rg'on” – “Burgan”  1-0

3- o'rin uchun:

“Yangiobod” – “Burgan” 2-0

Final:

“Yosh futbolchi” - “Kattaqo'rg'on” 0-0 (penalti 3-2)