Xubert Gurkach Marsel turniri finaliga chiqa olmadi

Musobaqaning 1/2 finalida dunyoning sakkizinchi raketkasi Xubert Gurkach mag'lubiyatga uchradi. Polshalik tennischi ATP reytingida 21-o'rinni egallab turgan franciyalik Ugo Umberga 4/6, 4/6 hisoblarida imkoniyatni boy berib qo'ydi. 

Gurkach o'zaro uchrashuvlarda ilk bor Umberga yutqazdi - 1:3. Sakson uch daqiqa davom etgan bahsda Xubert 9, Ugo 7 ta eys zarbasini amalga oshirgan. Bugun Umber vatandoshlari ko'z o'ngida bosh sovrin uchun kechadigan final uchrashuvida bolgariyalik Grigor Dimitrovga qarshi kortga chiqadi.