Xubert Gurkach Mayami "Masters"dagi yurishini davom ettirmoqda

Polshalik tennischi mukofot jamg'armasi 8,9 million dollarni tashkil qiluvchi musobaqaning uchinchi bosqichida ATP reytingida 29-pog'onadan joy olgan amerikalik Sebastyan Kordani 7/6(5), 6/7(5), 6/3 hisobida mag'lubiyatga uchratdi. 

Gurkach tennischilarning o'zaro uchrashuvlaridagi hisobni yiriklashtirdi - 4:1. Ikki soatu 18 daqiqalik bahsda Gurkach 15, Korda esa 11 ta eys zarbasini amalga oshirgan. Endi polshalik raketka ustasi to'rtinchi bosqichda bolgariyalik Grigor Dimitrovga qarshi kortga chiqadi.