26 mar 14:43
Yangiliklar

Tennis

Xubert Gurkach Mayami "Masters"dagi yurishini davom ettirmoqda

Dunyoning to'qqizinchi raketkasi Xubert Gurkach Mayami "Masters" turnirining uchinchi davrasida qiyin g'alabaga erishdi.

Polshalik tennischi mukofot jamg'armasi 8,9 million dollarni tashkil qiluvchi musobaqaning uchinchi bosqichida ATP reytingida 29-pog'onadan joy olgan amerikalik Sebastyan Kordani 7/6(5), 6/7(5), 6/3 hisobida mag'lubiyatga uchratdi.

Gurkach tennischilarning o'zaro uchrashuvlaridagi hisobni yiriklashtirdi - 4:1. Ikki soatu 18 daqiqalik bahsda Gurkach 15, Korda esa 11 ta eys zarbasini amalga oshirgan. Endi polshalik raketka ustasi to'rtinchi bosqichda bolgariyalik Grigor Dimitrovga qarshi kortga chiqadi.