Yakkabog'da “Amir Temur izdoshlari” marafoni o'tkazildi

Unda 14 yoshdan 30 yoshgacha bo'lgan ishtirokchilar “Voha teks” zavodidan paxta tozalash zavodigacha bo'lgan masofani bosib o'tishdi.

Ushbu marafon “Biz sog'lom turmush tarzi tarafdorimiz” shiori ostida 4000 dan ortiq aholini birlashtirdi. Yakuniy natijalarga ko'ra o'g'il bolalar o'rtasida 1-o'rinni Doston Ro'ziev egallagan bo'lsa, 2-o'rin Rahmonov Bekzodga nasib etdi. 3-o'rinni esa Behruz Abdusattorov band etdi.

Qizlar o'rtasida esa chaqqonligi bilan Farog'at Nurmamatova 1-o'rinni, Gulsevar O'roqova 2-o'rinni egalladi. 3-o'rinda marraga SHahlo Hamidova etib keldi.

SHuningdek, eng yosh ishtirokchilar o'rtasida Ahror Azamatov, Elyor Norboboev va Bahoroy Nazarovalar sovrindor bo'lgan bo'lsalar, kattalar o'rtasida Orif Uzoqov hamda Eshqobil Jo'raevlar marraga birinchilardan bo'lib kelishdi.

G'olib va sovrindorlar tuman hokimligi, tuman jismoniy tarbiya va sport bo'limi hamda Yoshlar ittifoqi tuman kengashi tomonidan diplom va esdalik sovg'alari bilan taqdirlandi.