18 iyu 08:56
Yangiliklar

Tennis

Yakkalikda yutqazgan Istomin bugun juftlik bahsida kortga chiqadi

SHveciyaning Bastad shahrida sovrin jamg'armasi 561 345 evroni tashkil qiluvchi ATP turniri davom etmoqda.

Skistar Swedish Open turnirida hamyurtimiz Denis Istomin ham ishtirok etyapti. Mamlakatimizning birinchi raketkasi kecha ilk bosqichda dunyo reytingida 343-o'rinni egallab turgan shveciyalik Mikael Imerga kutilmaganda imkoniyatni boy berib qo'ygan edi.

Endi Istomin bor etiborini juftlikdagi ishtirokiga qaratadi. Moldovalik Radu Albot bilan juftlik hosil qilgan hamyurtimiz bugun chorak final uchrashuvida chililik Xulio Peralta hamda argentinalik Orasio Sebelos tandemiga qarshi kortga chiqadi. Istomin va Albot ilk davrada zafar quchishgandi.