Yakuniy ATP turniri. Jokovich startda oson g'alabaga erishdi

Sayyoramizning ikkinchi raketkasi Novak Jokovich musobaqadagi ishtirokini g'alaba bilan boshladi. Serbiyalik tennis yulduzi ATP reytingida 8-pog'onani band etgan italiyalik Matteo Berrettiniga hech qanday imkoniyat qoldirmadi - 6/2, 6/1.

Bir soatu 3 daqiqa davom etgan bahsda Novak ham Matteo ham 4 tadan eys zarbani amalga oshirishdi. Bu tennischilarning o'zaro ilk rasmiy uchrashuvi edi. Bu guruhda Jokovich va Dominik Tim bittadan g'alabaga erishib, peshqadamlik o'z qo'llariga olishdi.