Yakuniy ATP turniri. Rojer Federer mag'lubiyat bilan boshladi

Dunyo reytingida kuchli sakkizlikdan joy olgan raketka ustalari ishtirokida o'tayotgan turnirning ilk kunidayoq kutilmagan natija qayd etildi. Dunyoning uchinchi raketkasi Rojer Federer guruh bosqichining birinchi o'yinida yutqazib qo'ydi. 

SHveycariyalik tennis afsonasi 100 daqiqa davom etgan uchrashuvda ATP reytingining 5-pog'onasidan joy olib turgan avstriyalik Dominik Timga ikki setda ham bir xil hisobda imkoniyatni boy berdi - 5/7, 5/7. 

Rojer bahs davomida 5 ta, Dominik esa bor yo'g'i bitta eys zarbasini amalga oshirdi. Tim Federer uchun noqulay raqib bo'lib qolmoqda. Ikki tennischining o'zaro uchrashuvlaridagi hisob Dominik foydasiga yiriklashdi - 5:2!