27 okt 21:22
Yangiliklar

Tennis

Yakuniy WTA turniri. Svitolinaning finaldagi raqibasi malum

Singapurda o'tkazilayotgan tennis bo'yicha yilning Yakuniy WTA turniri o'zining hal qiluvchi pallasiga kirdi.

Dunyoning eng kuchli sakkiz nafar tennis malikalarini o'zida jamlagan BNP Paribas WTA Finals Singapore turnirining sovrin jamg'armasi 7 million dollarni tashkil etadi.

Sayyoramizning oltinchi raketkasi, amerikalik Sloan Stivens turnirning ikkinchi finalchisiga aylandi. U chexiyalik Karolina Plishkovaga qarshi yarim final bahsida iroda namoyish etdi.

Birinchi setni 0:6 hisobida boy bergan Stivens keyingilarida zafar quchdi - 6:4, 6:1. Ushbu yarim final uchrashuvi 1 soatu 55 daqiqa davom etdi. Ertangi finalda Sloan ukrainalik Elina Svitolinaga qarshi kortga chiqadi. Elina gollandiyalik Kiki Bertensni 7:5, 6:7(5), 6:4 hisobida mag'lub etdi.