29 okt 07:51
Yangiliklar

Tennis

Yakuniy WTA turnirining ayollar juftligida g'oliblar aniqlandi

Singapurda bir hafta davom etgan yilning Yakuniy WTA turniri o'z yakuniga etdi.

Dunyoning eng kuchli sakkiz nafar tennis malikalarini o'zida jamlagan BNP Paribas WTA Finals Singapore turnirining sovrin jamg'armasi 7 million dollarni tashkil etdi.

Musobaqaning ayollar o'rtasidagi juftlik bahslarida franciyalik Kristina Mladenovich va vengriyalik Timea Babosh hamkorligi bosh mukofotni qo'lga kiritdi. Ular 1 soatu 24 daqiqa davom etgan final bellashuvida chexiyalik tennischilar - Barbora Kreychikova va Katerjin Sinyakovani engishdi - 6/4, 7/5.

Ushbu muvaffaqiyatli ishtirok Mladenovich va Baboshga 500 000 dollar mukofot puli hamda 1500 reyting ochkosini taqdim etdi. Bu Babosh va Mladenovichning Yakuniy turnirdagi ilk sovrinlari bo'ldi.