Yannik Sinner Mayami "Masters"ining uchinchi davrasiga yo'l oldi

Jahonning 11-raketkasi, italiyalik Yannik Sinner turnirning ikkinchi davrasida ATR reytingida 71-o'rinni egallab turgan finlandiyalik Emila Ruusuvuori ustidan 6/4, 3/6, 7/6 hisobida g'alaba qozondi.

2 soatu 42 daqiqa davom etgan uchrashuvda Sinner uchta eys amalga oshirib, ikki bor qo'sh xatoga yo'l qo'ydi. SHuningdek, ikkita breyk-poynt qayd etdi. Ruusuvuori esa to'rtta eys amalga oshirib, bir marta qo'sh xatoga yo'l qo'ydi, ikkita breyk-poynt qayd etdi. Sportchilar o'rtasidagi o'zaro uchrashuvlarda italiyalik tennischi oldinda bormoqda, 3:1. 

 Sinner uchinchi davrada ispaniyalik Pablo Karreno-Busta bilan o'ynaydi.