17 fev 09:18
Yangiliklar
Yanvar oyida 16 ta federaciya + "Olimpik" klubi 7 897 416 763 so'm sarflabdi
O'zbekiston Respublikasi Prezidentining 2021 yil 5 noyabrdagi “2024 yil Parij shahrida (Franciya) bo'lib o'tadigan XXXIII yozgi Olimpiya va XVII Paralimpiya o'yinlariga O'zbekiston sportchilarini kompleks tayyorlash to'g'risida”gi PQ-5281 sonli qaroriga muvofiq Parij-2024 Olimpiya o'yinlariga O'zbekiston Respublikasi Turizm va sport vazirligi boshchiligida sport federaciya (uyushma)lar tomonidan tayyorgarlik ishlari tizimli ravishda boshlab yuborildi.
2021 yil 30 dekabrdagi “2022 yil uchun O'zbekiston Respublikasining davlat byudjeti to'g'risida”gi O'RQ-742-sonli Qonuniga asosan Parij-2024 Olimpiya o'yinlariga tayyorgarlik ko'rishga 2022 yil uchun O'zbekiston Milliy Olimpiya qo'mitasi, Olimpiya sport turlari va uyushmalariga 135,0 mlrd.so'm mablag'lar ajratildi va shaffoflikni taminlash maqsadida O'zbekiston Respublikasi Moliya vazirligi G'aznachiligining “UzASBO” tizimi orqali moliyalashtirish olib borilmoqda.
2022 yil yanvar oyi yakuni bo'yicha Xanchjou-2022 Osiyo o'yinlari va Parij-2024 Olimpiya o'yinlariga tayyorgarlik ko'rayotgan 19 ta sport federaciya va uyushmalardan 17 tasining bergan buyurtmalari asosida ajratilgan mablag'lardan mahalliy hamda xalqaro o'quv-mashg'ulot yig'inlarini o'tkazish uchun 7 897 416 763 so'm miqdorida moliyalashtirildi.
SHu bilan birga, Olimpiya sport turlari bo'yicha federaciya va uyushmalarning ustav xarajatlari, milliy terma jamoa sportchilari uchun anjom va maxsus ekipirovkalar xaridi, ularning tibbiy-biologik taminoti bilan bog'liq xarajatlar G'aznachilikning tegishli tizimi orqali federaciya va uyushmalarga to'g'ridan-to'g'ri moliyalashtiriladi.
T/r | Sport tashkilot nomlari | Yanvar oyi xarajatlari |
| 1 | Boks federaciyasi | 421 180 000,00 |
| 2 | Sport kurashlari asssociaciyasi | 118 910 000,00 |
| 3 | Velosiped sporti federaciyasi | 744 759 570,00 |
| 4 | Dzyudo federaciyasi | 309 030 000,00 |
| 5 | Gimnastika federaciyasi | 969 488 787,00 |
| 6 | Rowing & Canoe federaciyasi | 928 449 640,00 |
| 7 | Engil atletika federaciyasi | 544 777 800,00 |
| 8 | Suzish federaciyasi | 110 960 000,00 |
| 9 | Taekvondo WTF associaciyasi | 477 734 400,00 |
| 10 | Og'ir atletika federaciyasi | 244 478 500,00 |
| 11 | Qilichbozlik federaciyasi | 1 066 792 504,00 |
| 12 | Zamonaviy beshkurash federaciyasi | 287 441 176,00 |
| 13 | Federaciya regbi Uzbekistana | 234 360 000,00 |
| 14 | Kamondan otish federaciyasi | 178 151 186,00 |
| 15 | "OLYMPIC PROFESSIONAL FUTBOL KLUBI" | 1 031 933 200,00 |
| 16 | Federaciya gandbol Uzbekistana | 93 670 000,00 |
| 17 | Ot sporti federaciyasi | 135 300 000,00 |
| Umumiy xammasi : | 7 897 416 763 |
Fikrlar