Yosh futbolchilar Abdulla Oripov nomidagi ijod maktabida bo'lishdi + FOTO

Xususan, Qashqadaryo viloyat futbol mahorat maktabi o'quvchilari ishtirokida Qarshi shahridagi Abdulla Oripov nomidagi ijod maktabida ham tadbir tashkil etildi.

Sportchi-o'quvchilar O'zbekiston Respublikasi Davlat madhiyasi matni muallifi, atoqli xalq shoiri Abdulla Oripov hayoti va ijodi, aynan davlatimiz madhiyasining yaratilishi tarixi bilan yaqindan tanishar ekan, madhiya – faxr va g'ururimiz, iftixorimiz ekanligi, u shu ona Vatanga bo'lgan his-tuyg'ularni jo'sh urdirib, ezgulik sari intilish, milliy g'ururni oshirishga xizmat qilishini yana bir bor qalban his etishdi.

Tadbir doirasida sportchi-o'quvchilar ham Davlatimiz madhiyasining qabul qilinishiga oid tarixi, uning muallifi A. Oripov hamda bastakori Mutal Burhonov hayoti va ijod yo'li, madhiyamizning mazmun mohiyati haqida g'urur bilan gapirib berishdi.

SHavkat RO'ZIEV, Qashqadaryo viloyat futbol mahorat maktabining manaviyat-marifat ishlari bo'yicha direktor o'rinbosari