Zafar Arslonov Las-Vegasdagi jahon chempionatida yagona vakilimiz sifatida ishtirok etdi

Turli yosh toifasida o'tkazilgan ushbu dunyo birinchiligida hamyurtimiz Zafar Arslonov ham ishtirok etdi. -100 kg vaznda tatamiga chiqqan faxriy dzyudochimiz ilk davrada qozog'istonlik Iriskul Babaxanov, ikkinchi bosqichda ukrainalik Igor Lobazni mag'lubiyatga uchratdi. CHorak finalda esa gruziyalik Lomeri Jorjolianiga imkoniyatni boy berib qo'ydi. 

Zafar Arslonov bronza medali yo'lidagi bir nechta bosqichdan iborat o'tish bellashuvlarida o'z omadini sinab ko'rdi. U franciyalik Sedrik Lemar, amerikalik Ben Xlifadan ustun keldi. Ammo bronza medali uchun kechgan bahsda italiyalik Tomas Tandoiga yutqazib, kuchli beshlikdan joy oldi. Ushbu vazn toifasida franciyalik Lyudovik Gobert jahon chempioniga aylandi.