11 may 13:52
Yangiliklar

Tennis

Zverev chorak finalda Cicipasga yutqazib qo'ydi

Dunyoning to'rtinchi raketkasi Aleksandr Zverev Madrid “Masters” turniridagi ishtirokini yakunladi.

Germaniyalik tennis yulduzi Mutua Madrid Open musobaqasining chorak finalida greciyalik Stefanos Cicipasga qarshi kortga chiqdi. Reytingning 9-pog'onasidan joy olib turgan Stefanos 2 soatu 10 daqiqa davom etgan uchrashuvda 7/5, 3/6, 6/2 hisobida zafar quchdi.

Cicipas bu g'alabasi evaziga o'zaro uchrashuvlarda ham hisobda oldinga chiqib oldi - 2:1. Endi Stefanos Cicipas yarim final chiptasi uchun ispaniyalik Rafael Nadalga qarshi kortga chiqadi.