Zverev Monpeledagi turnir yarim finaliga chiqdi

Sayyoramizning uchinchi raketkasi chorak finalda Franciya vakili Adriano Mannarinoni 6:1, 6:0 hisobida mag'lub etdi. Uchrashuv 51 daqiqa davom etdi. 

Endi turnirning yarim finalida Zverev chorak finalda franciyalik Gael Monfilsni mag'lub etgan shveciyalik Mikael Imer bilan o'ynaydi.

Malumot uchun, Monpeledagi turnir 31 yanvardan 6 fevralga qadar davom etadi. Musobaqaning umumiy mukofot jamg'armasi 427 ming evroni tashkil etadi. Turnirning amaldagi g'olibi belgiyalik David Goffin hisoblanadi.