04 noy 13:08
Yangiliklar

Tennis

Zverev Parij "Masters" chempioni!

Franciya poytaxti Parij shahri mezbonlik qilgan tennis bo'yicha "Masters" seriyasiga kiruvchi nufzuli turnir germaniyalik tennischining g'alabasi bilan yakunlandi.

Dunyoning uchinchi raketkasi Aleksandr Zverev hal qiluvchi final uchrashuvida ATP reytingida 18-o'rinni egallab turgan franciyalik Ugo Umberni ortiqcha qiyinchiliksiz mag'lubiyatga uchratdi - 6/2, 6/2. Zverev tennischilarning o'zaro uchrashuvlarida ham hisobda oldinga chiqib oldi - 2:1.

Etmish olti daqiqa davom etgan bahsda Zverev 4, Umber 3 ta eys zarbasini amalga oshirgan. Breyklar bo'yicha ustunlik tabiiyki, g'olib tennischi tomonida bo'ldi - 4 ga 0. Aleksandr faoliyatidagi ettinchi "Masters" chempionligini qo'lga kiritdi.

U bugun elon qilingan yangi reytinga dunyoning ikkinchi raketkasiga aylandi. Zverev bir haftalik mehnatidan 1000 ochko va 919,075 evro mukofot pulini ham qo'lga kiritdi. Vice-chempion Umber 650 ochko va 501,880 evroga ega bo'ldi. U yangilangan reytingda Top-15`ga qaytdi.