"100 миллион таклиф қилинса ҳам Хабиб қайтмайди" - Мендес

"Халигача Хабиб ўз сўзларидан қайтмаган. У кетишини айтганми, шундай қилган. У айтган яна бир нарса - ҳозирча жангчиларга секундантлик қилмаслик. Аммо у ҳалиям йигитларни шуғуллантиради.

Хабиб шунчаки оиласи билан вақт ўтказишни истайди. Фарзандлари усиз улғайишини истамайди. Хабиб қайтади деб ўйлайдиганлар учун: илтимос, керак эмас! Балки уни келажакда секундант сифатида кўрармиз. 

Аммо ҳозир ундай эмас. Агар 100 миллион доллар таклиф қилишса? Хабиб доимо пул у учун муҳим эмаслигини айтиб келган", - деди Нурмагомедовнинг собиқ мураббийи Хавьер Мендес.