28 дек 15:19
Янгиликлар
Хоккей
100 ўйинлик "довон" ва мавсум якунланмасидан қўлга киритилган 50 очко. "Ҳумо" 2023 йилни ажойиб натижалар билан якунлаяпти
Хоккей бўйича Қозоғистон очиқ чемпионатида 2023 йилдан ўрин олган тур ўйинлари бугун ўз якунига етди.
Чемпионатда иштирок этаётган Тошкентнинг "Ҳумо" жамоаси эса 2023 йил ҳисобидан сўнгги ўйинини 22 декабрь куни сафарда "Сариарка"га қарши ўтказган эди. "Қанотлилар" сафида ҳаракат қилаётган бир нечча хоккейчилар йилни кўтаринки кайфиятда якунлашди.
Жумладан, Вадим Чеботарёв, Егор Дорофеев ҳамда Вадим Кравченко клуб сафида ўзларининг 100-ўйинларини ўтказишди. Аввалроқ, бу натижани жамоа сафидаги яна бир форвард Павел Синявский амалга оширган эди.
Шунингдек, 7-рақамли Вадим Кравченко мавсум якунига етмасидан ўз очколари сонини 51 тага етказди. Бу "Ҳумо" тарихидаги энг яхши натижа ҳисобланади.
Ҳавола :
Манба : olamsport.com
Фикрлар