04 июн 09:21
Янгиликлар
Бокс/ММА
Нурсултон Рўзибоевнинг навбатдаги жанги санаси ва манзили аниқ бўлди — манба
UFC'да фаолият олиб бораётган ўзбекистонлик аралаш яккакураш устаси Нурсултон Рўзибоев ўзи айтганидек, яна битта жанг ўтказиб Ўзбекистонга қайтадиган бўлди.
Маълум бўлишича, ҳамюртимиз 16 август АҚШнинг Иллинойс штати, Чикаго шаҳрида ташкил этиладиган UFC 319 турнири доирасида октагонга чиқади. Бу ҳақда Нурсултоннинг менежери Instagram саҳифасидаги жонли эфир давомида айтиб ўтган. Бундан ташқари, Нурсултон Рўзибоевнинг ўзи ҳам Instagram'да шунга ишора қилди.
Рўзибоевга ким рақиблик қилиши ҳозирча аниқ эмас. 31 яшар андижонлик спортчи сўнгги бор 19 май куни Лас-Вегас мезбонлик қилган UFC Fight Night турнирида германиялик Дастин Стольцфусни очколар ҳисобига кўра таслим этганди.
Таъкидлаш жоиз, UFC 319 турнирининг марказий беллашуви ўрта вазн чемпиони Дрикюс Дю Плесси ва Хамзат Чимаев ўртасида кечади. Рўзибоев ҳам UFC'да айнан ўрта вазн тоифасидаги баҳсларда иштирок этяпти.
Ҳавола :
Манба : olamsport.com
Фикрлар