Шахматчиларимиз Жаҳон чемпионатидан қанча мукофот пули иш олиб олишди?

Ушбу нуфузли мусобақада дунёнинг 70 давлати вакиллари орасида Ўзбекистон терма жамоасининг 15 нафар шахматчиси ҳам иштирок этгани ва уларнинг якунда қандай ўринларни банд этгани ҳақида хабар берган эдик. 

Блиц йўналишида жаҳон чемпионатининг вице-чемпионига айланган Нодирбек Абдусатторов ҳақли равишда шахматчиларимиз орасида энг кўп мукофот пулини қўлга киритди. У блицдаги иккинчи ўрин учун 50 000, рапидда эгаллаган 23-ўрни учун 3000, жами 53 000 евро пул мукофоти ишлаб олди. 

Қаторасига учинчи йил Блицда ҳам, Рапидда ҳам жаҳон чемпиони бўлган Магнус Карлсен 140 000 евро мукофот пулига эга чиқди. Чемпионлик учун 70 000 евро ажратилганди. Жаҳон чемпионатидаги энг кўп пул мукофотига Магнус эга бўлди.    

Жаҳон чемпионатида Топ-35`таликдан жой олган шахматчиларга пул мукофоти тақдим этилди. Эркакларда энг кам улуш - 1500, аёлларда эса - 1000 евро бўлиб, мос равишда 26-55 ҳамда 16-20 ўринларни банд этган шахматчиларга топширилди.    

Аёллар ўртасидаги блиц баҳсларида кучли саккизталикдан жой олиш асносида Ўзбекистон аёллар шахматида янги саҳифанинг очилишига сабабчи бўлган Умида Омонова 15 000 евро мукофот пулига эга чиқди. Умида рапид баҳсларида нисбатан омадсиз иштирок этганди. 

Жавоҳир Синдаров Қатардаги Жаҳон чемпионатидан умумий ҳисобда 21 000 евро ишлаб олди: рапиддаги иштирокидан 16 000, блицдан эса 5000. Қолган шахматчиларимизнинг эгаллаган ўринлари мукофот пулларига етарли бўлмади.