Рамазон Темиров яна бир допинг текширувидан муваффақиятли ўтди ва кейинги жанги қачон бўлишини айтди

Ҳамюртимиз куни кеча UFC томонидан ўтказилган навбатдаги допинг текширувидан муваффақиятли ўтганини хабар қилди.

"UFC'нинг допинг назорати бўйича жавоблари Алҳамдулиллаҳ, яхши чиқди. Кетма-кет учинчи марта топширишим. Ҳар ой келиб, олиб кетишяпти. Худо хоҳласа, март ойида жангларга қайтамиз, Ин Ша Аллоҳ. Март ойида кейинги жангимни санаси аниқ бўлади. Унгача ҳаётимда озгина ўзгаришлар бўлади. Яқинда уйланяпман, Ин Ша Аллоҳ. Лекин ҳар қандай вазиятда ҳам машғулотларни тўхтатмасдан, олдинга ҳаракат қиламиз", деб айтиб ўтган Темиров.

Маълумот учун, Рамазон UFC'да ҳозиргача 2 та жанг ўтказиб, уларнинг ҳар иккаласида ғалаба қозонган.