02 дек 11:36
Янгиликлар

Шахмат

138 йиллик тарихни янгилаган Жаҳон тожи учун баҳсда кучлар тенг келмоқда

Сингапурнинг Сентоса оролида классик шахмат бўйича Жаҳон тожи учун учрашув давом этмоқда.

2024 йилги жаҳон чемпионлиги учун амалдаги жаҳон чемпиони Дин Лижэнь (Хитой) ҳамда даъвогарлар турнири ғолиби 18 ёшли Гукеш Доммараджу (Ҳиндистон) ўзаро баҳс олиб боришяпти. Кеча ўтказилган 6-партияда томонлар яна дурангга имзо чекишди. Умумий ҳисоб — 3:3!

Эътиборлиси, Доммараджу ва Лижэн ўртасидаги учрашув 138 йиллик тарихни янгилади. Яъни, орадан 138 йил ўтиб, икки Осиё вакиллари жаҳон тожи учун ўзаро дона суришяпти. Шунингдек, бу Жанубий-Шарқий Осиё минтақасида ўтказилаётган тарихдаги иккинчи турнир ҳисобланади. Биринчи мусобақа 1978 йили Филиппиннинг Багио шаҳрида ташкил этилган эди.