27 янв 09:11
Янгиликлар

Теннис

18 ёшли теннисчимиз Қозондаги турнир ғолибига айланди + ФОТО

Россия Федерациясининг Қозон шаҳрида теннис бўйича "Фьючерс" туркумига кирувчи турнир якунланди.

Мукофот жамғармаси 15 000 АҚШ долларини ташкил қилувчи халқаро турнирда ҳамюртимиз Сергей Фомин ҳам муваффақиятли иштирок этди. Бир неча кундан сўнг 19 ёшга тўладиган истеъдодли теннисчимиз яккалик баҳсларида бош соврин соҳибига айланди.

Сергей Фомин ҳал қилувчи финал учрашувида турнирнинг иккинчи сараланган теннисчиси россиялик Евгений Тюрневга қарши кортга чиқди ва кучли рақибини 6:4, 3:6, 6:3 ҳисобида мағлуб этди. Бу Фоминнинг фаолиятидаги иккинчи ITF соврини бўлди.