20 июль кунги UFC турнирининг марказий жанги тасдиқланди

Эътиборлиси, UFC on ESPN 60 оқшомининг марказий жанги аёллар биринчи енгил вазн тоифасида Аманда Лемос ва Вирна Яндироба ўртасида ўтказилади. Бразилияликлар ўртасидаги жанг UFC расмийлари томонидан расман тасдиқланди.

Маълумот учун, 37 ёшли Аманда Лемос ўтган йилнинг август ойида чемпион Вейли Чжанга қарши октагонга чиқиб, ҳакамларнинг қарори билан очколар ҳисобига кўра ютқазиб қўйганди. Шу йилнинг февраль ойида у Маккензи Дернни ҳакамларнинг якдил қарори билан мағлуб этди.

36 ёшли Вирна Яндироба эса 3 та ғалабали серия билан келмоқда. Сўнгги жангида Лупита Годинездан устун келган. Айни пайтда Аманда Лемос рейтингнинг учинчи, Вирна Яндироба эса бешинчи поғонасидан жой олган. 

Эслатиб ўтмиз, 13 июль куни Денвер шаҳрида ўтказиладиган UFC on ESPN 59 турнирининг марказий жанги ҳам аёллар енгил вазн тоифасида Роуз Намаюнас ҳамда Трэйси Кортез ўртасида ташкил этилади.