12 дек 14:22
Янгиликлар

Оғир атлетика

20 ёшли оғир атлетикачимиз жаҳон кубогида медаллар шодасини қўлга киритди

Хабар бериб ўтганимиздек, шу кунларда Хитойнинг Тяньцзинь шаҳрида оғир атлетика бўйича жаҳон кубоги давом этмоқда.

Бунгача Муаттар Набиева, Сарварбек Зафаржонов ва Турсуной Жабборова мазкур мусобақада совриндор бўлгани ҳақида хабар қилгандик.

Бироз аввал -109 кг вазнли полвонлар ўртасида беллашувлар якунланди. Мазкур вазнда юртимиз шарафини ҳимоя қилган Акбар Жўраев учкураш якунига кўра 1 та олтин, 2 та кумуш медалга эга чиқди. Ҳамюртимиз даст кўтаришда 181 кг (кумуш), силтаб кўтаришда 219 кг (олтин) ва умумий ҳисобда 400 кг (кумуш) натижа кўрсатди.

Биз ушбу муваффақият билан спортчимиз ва унинг мураббийини, Ўзбекистон оғир атлетика федерациясини муборакбод этамиз.