2023 йилда Португалия Гран-приси "Формула-1" тақвимида Хитой босқичи ўрнини эгаллайди

2023 йилда Шанхайдаги босқич ковид туфайли сўроқ остида қолаётганди. "Формула-1" Хитой Гран-приси ўрнига бошқа босқични ўтказадими ёки шунчаки тақвимни 23 пойгага қисқартирадими, умуман аниқ эмас эди.

Натижада, "Формула-1" Хитой босқичи ўрнига Португалия Гран-присини ўтказади. Портимаодаги пойга Шанхай босқичи ўрнини эгаллайди ва 16 апрель куни бўлиб ўтади. 

Бу маълумотни Португалия телевидениесидаги "Формула-1" шарҳловчиси Жоау Карлос Коста маълум қилди:

“Расмий хабар тез орада эълон қилинади. Бир нечта тафсилотларни ҳал қилиш керак ва эълон FIA Жаҳон кенгашининг 9 декабрдаги йиғилишидан олдин эълон қилинади. Барча португал мухлислари учун ажойиб Рождество совғаси",-деган шарҳловчи. 

Маълумот учун, Португалия Гран-приси 2020 ва 2021 йилги мавсумда бўлиб ўтган.