2026 Oeiras Ladies Open. Кудерметова асосий даврага йўл олди

Мусобақанинг саралаш баҳсларида мамлакатимизнинг иккинчи ракеткаси Полина Кудерметова ҳам иштирок этди. Саралаш турнирида биринчи рақам остида таснифланган вакиламиз 1/2 финалда португалиялик Беатриз Кастрони ортиқча қийинчиликсиз мағлубиятга учратганди - 6/1, 6/1. 

Полина саралашнинг финал учрашувида хорватиялик Леа Бошковичга қарши кортга чиқди. Олтмиш етти дақиқа давом этган баҳсда Кудерметова 6/3, 6/0 ҳисобида зафар қучиб, асосий тўрга йўлланма олди. Вакиламиз 7, рақибаси 1 та эйс зарбасини амалга оширди. Қўшхатолар Полинада анчайин кўпроқ бўлди - 7 га 2. Бу теннисчиларнинг ўзаро ўтказган илк учрашуви бўлди. 

Дунёнинг 137-ракеткаси бўлиб турган Кудерметова бугун асосий тўрнинг 1/16 финал баҳсида швейцариялик Селин Наефга қарши кортга чиқади. Учрашув бизнинг вақт билан соат 15:30да бошланади.