22 апр 07:22
Янгиликлар
Теннис
2026 Oeiras Ladies Open. Кудерметовадан чиройли камбэк!
Португалиянинг Оэйраш шаҳрида теннис бўйича мукофот жамғармаси 195,652 еврони ташкил этувчи турнирнинг асосий тўр баҳслари бошланди.
Мусобақанинг саралаш баҳсларидаги икки ғалаба эвазига асосий тўрга йўлланма олган мамлакатимизнинг иккинчи ракеткаси Полина Кудерметова зафарли юришини давом эттирмоқда. Дунёнинг 137-ракеткаси бўлиб турган вакиламиз 1/16 финал баҳсида швейцариялик Селин Наефга қарши кортга чиқди ва камбэк эвазига ғалаба қозонди - 5/7, 6/0, 6/2.
Бир юз бир дақиқа давом этган учрашувда иккала теннисчи ҳам бир хилда 1 тадан эйс зарбасини амалга ошириб, 5 тадан қўшхатога йўл қўйди. Бу теннисчиларнинг ўзаро ўтказган илк учрашуви бўлди. Кудерметова айни пайтда WTA рейтингида 137, Наеф 209-ўринни эгаллаб турибди. Эртага Полина 1/8 финалда испаниялик Гуйомар Маристанига қарши кортга чиқади. Ушбу баҳс бизнинг вақт билан соат 14:00да бошланади.
Ҳавола :
Манба : olamsport.com
Фикрлар