23 апр 08:46
Янгиликлар

Теннис

2026 Oeiras Ladies Open. Кудерметовадан яна камбэк, у 1/4 финалда!

Теглар : Полина Кудерметова 2026 Oeiras Ladies Open

Португалиянинг Оэйраш шаҳрида теннис бўйича мукофот жамғармаси 195,652 еврони ташкил этувчи турнир давом этмоқда.

Мусобақанинг саралаш баҳсларидаги икки ғалабаси эвазига асосий тўрга йўлланма олган мамлакатимизнинг иккинчи ракеткаси Полина Кудерметова 1/16 финалда швейцариялик Селин Наефни камбэк эвазига мағлуб этганди - 5/7, 6/0, 6/2.

Дунёнинг 137-ракеткаси бўлиб турган вакиламиз 1/8 финалда ҳам уч сетлик учрашув ўтказди. Полина испаниялик Гуйомар Маристанини 2 соату 48 дақиқа давом этган баҳсда камбэк эвазига 5/7, 6/4, 6/4 ҳисобларида таслим этди.

Эътиборга молик жиҳати шундаки, шу йилнинг ўзида теннисчилар ўзаро уч маротаба ўзаро тўқнаш келишди. Уччала учрашувда ҳам Кудерметова испан рақибасини мағлубиятга учратди. Маристани айни пайтда WTA рейтингида 181-ўринни эгаллаб турибди.

Эртага Полина 1/4 финалда италиялик Лючия Бронцеттига қарши кортга чиқади. Лючия 1/8 финалда собиқ ўзбекистонлик теннисчи Варвара Лепченкони мусобақадан чиқариб юборди.