2026 йилги Қишки Олимпиаданинг бобслей, люге ва скелетон мусобақалари нима учун Италиядан ташқарида ўтказилиши айтилди

Бу ҳақда қишки ўйинлар ташкилий қўмитаси раҳбари Жованни Малаго маълум қилди. Бунга эса бобслей трассасини реконструкция қилишдаги қийинчиликлар сабаб бўлмоқда.

"Биз ечимларни ўрганиш устида ишлаяпмиз. Халқаро Олимпия Қўмитаси (ХОҚ) ва халқаро федерациялар билан муқобил вариантларни таҳлил қилиб, якуний тасдиқлаш учун кенгашимизга тақдим этамиз", - деди Малаго.

Қайд этилишича, тегишли спорт иншоотлари ҳозирда Швейцария, Австрия, Германия ва Францияда мавжуд. 2026 йилги Олимпиада Милан ва Кортина-дʼАмпеццо шаҳарларида бўлиб ўтади.