22 янв 18:18
Янгиликлар

Теннис

DavisCup. Сербиянинг Ўзбекистонга қарши таркиби эълон қилинди. Жокович Тошкентга келадими?

1-2 февраль кунлари Тошкентда "Дэвис Кубоги"нинг плей-офф босқич учрашуви бўлиб ўтади.

Ўзбекистон терма жамоаси ушбу босқичда Сербия терма жамоасига қарши тўқнаш келади. Сербия терма жамоаси сардори Ненад Зимонич Тошкентга ташриф буюрадиган теннисчилар рўйхатини маълум қилди. 1-2 февраль кунлари ўтказиладиган ўйинларда меҳмонлар сафида Душан Лайович (46-ракетка), Филип Крайинович (93), Ласло Жере (92), Никола Милоевич (174) ҳамда Виктор Троицки (200) ҳаракат қилиши кутилмоқда.

Кўриб турганингиздек, жаҳоннинг биринчи ракеткаси Новак Жокович ушбу таркибда йўқ. У айни пайтда Австралия Очиқ чемпионатида ўз юришини давом эттирмоқда.