3 нафар профессионал боксчимиз Россияда жанг ўтказади

“Promotions” компанияси томонидан ташкил этилаётган мазкур профессионал бокс кечасининг марказий жанги иккинчи ярим енгил вазнда(59 кг) россиялик Марк Урванов ва венесуэлалик Энджел Родригес ўртасида кечади. Бу иккала боксчи WBA йўналиши бўйича чемпионликка даъвогарлар қаторидаги ўрнини мустаҳкамлаш учун муштлашишади. 

Мамлакатимиз боксчиларидан Шукрулла Вохидов 61,2 келограмм вазн тоифасида украиналик иқтидорли боксчи Зоравор Петросянга қарши рингга кўтарилади. Айтиш лозимки, қатор промуотерлар томонидан “келажаги бор”лар сафида эътироф этилган украиналик боксчи фаолияти мобайнида 11 та жанг ўтказган бўлса, барчасида ғалабага эришган. У фаолияти мобайнида бир марта ўзбекистонлик боксчи билан, яъни 2020 йилнинг июль ойида ҳамюртимиз Равшан Умурзоқов билан тенг курашлар остида ўтган жангда ҳакамларнинг қарори асосида ғалабага эришган. Демак, Ш. Вохидовнинг олдида 8 раундга мўлжалланган жангда нафақат ғалаба қозониш, балки Умурзоқов учун “қасос олиш” мажбурияти ҳам турибди.

Яна бир боксчимиз фарғоналик Аббосхон Мирзаабдуллаев россиялик Александр Дорофеев билан 4 раундлик жанг ўтказади. Қуқон бокс мактаби тарбияланувчиси бўлган Мирзаахмедов боксдаги фаолияти мобайнида ёшлар ўртасида Ўзбекистон чемпиони ва оғир вазнда Осиё чемпионати ғолиблигига эришган. Унинг рақиби Дорофеев Россия чемпионатининг бронза медали соҳиби. Профессионал боксда иккита жанг ўтказиб, иккаласида ҳам ғолибликка эришган.

Екатеринбург рингида ўз омадини синаб кўрадиган яна бир боксчимиз наманганлик Отабек Мирахмедов оғир вазнда Георгий Юновидов билан куч синашади. 6 раундга мўлжалланган мазкур учрашувда Ўзбекистон чемпионатлари совриндори бўлган ҳамюртимизнинг имкониятлари қай даражада эканлигини вақт кўрсатади. Унинг рақиби хусусида шуни айтиш лозимки, Юновидов ўз вақтида оғир вазнда Россия чемпионлигига эришган, қатор халқаро турнирлар ғолиби, профессионал боксда битта жанг ўтказиб, унда хамюрти Герман Скобенкони очколар ҳисобидамағлуб этган.

Эслатиб ўтамиз, Екатеринбургдаги профессионал бокс мусобақаси Россия вақти билан соат 17.00 да бошланади.

Ўзбекистон профессионал Бокс федерацияси Матбуот хизмати