3 нафар теннисчиимиз "М25 Nur-Sultan" турнирини ғалаба билан бошлади

Бироз аввал турнирда иштирок этаётган теннисчиларимиз Ҳумоюн Султонов, Санжар Файзиев, Сергей Фомин 1/8 финалдаги учрашувларини якунлашди.

Мамлакатимизнинг иккинчи ракеткаси Ҳумоюн Султонов мезбон теннисчи Денис Евсеев билан қозоғистонлик Сагадат Айяп ва Ерассил Ердилда жуфтлига қарши кечган учрашувда 6/4, 6/4 ҳисобида ғалаба қозонди.

Мезбонлар вакили Достанбек Ташбулатов билан тандемда қатнашаётган Сергей Фомин зимбабвелик Бенжамин Лок ва Жон Лок шериклигига қарши кортга чиқиб рақибларини 6/4, 4/6, 10/2 ҳисобида мағлуб этди. 

Санажар Файзиев эса грециялик Маркос Каловелонис билан жуфтликда иштирок этмоқда. Бугун улар мезбон теннисчилар Никита Сидоров/ Олег Сироватскийга ҳеч қандай имкон бермади – 6/0, 6/0.