21 ноя 21:30
Янгиликлар

Бокс/ММА

Хабиб Нурмагомедов ММАни танламаганида нима иш қилган бўларди?

Аввалроқ сайтимиз орқали таниқли ММА жангчиси Хабиб Нурмагомедов Тошкент давлат иқтисодиёт университети талабалари билан учрашгани ҳақида хабар қилгандик.

У учрашув давомида талабалар саволларига жавоб қайтарди. Улар орасида "Агар ММАчи бўлмаганингизда қайси касбни танлаган бўлардингиз?" деган саволга Хабиб қуйидагича жавоб бериб ўтди:

"Агар жангчи бўлмаганимда менимча помидор сотган бўлардим (залда кулги). Бизда одамлар сабзавотлар ўстиришади. Масалан, мактабда ўқитувчи бўлиб ишламасдим. Чунки бу мен учун эмас. Мураббий бўлишим учун ҳам спорт керак бўларди. Лекин, шуниси аниқки, бекорчи бўлмаган бўлардим. Қандайдир иш билан барибир шуғулланган бўлардим".