20 дек 13:29
Янгиликлар

Бокс/ММА

Одилжон Аслонов дебют олдидан тарозидан ўтди, эртага жанг + ФОТО

Хабар бериб ўтганимиздек, бокс бўйича Ўзбекистон чемпиони Одилжон Аслонов эртага проф боксда дебют қилади.

Россия Федерациясининг Красноярск шаҳрида ташкил этиладиган жанг оқшомида ҳамюртимизга мезбон спортчи Вараздат Черников рақиблик қилади. Жанг 6 раундга мўлжалланади.

Бугун боксчилар баҳс олдидан тарозидан ўтишди. Унга кўра ҳамюртимиз 72,6 кг тош босди.

Черников шу кунгача проф боксда 25 маротаба жанг қилиб, уларнинг 11 тасида ғалаба қозонган (5 та нокаут). 14 та жангда эса мағлуб бўлган (9 та нокаут).

Қайд этиш лозимки, оқшомнинг марказий жангида Денис Лебедев ЖАР вакили Табисо Мчунуга қарши рингга кўтарилади.