22 июл 08:02
Янгиликлар
Бокс/ММА
39 ёшли Майкл Пейж: "Ҳанузгача UFC камарини қўлга киритишга қодирман, деб ҳисоблайман"
UFC'нинг ярим ўрта вазн тоифасида (77 кг гача) фаолият олиб бораётган британиялик Майкл Пейж навбатдаги жанги ҳақида гапирди.
У 5 сентябрь куни Франциянинг Париж шаҳрида бўлиб ўтадиган UFC Fight Night 287 турнирида ўзбекистонлик Нурсултон Рўзибоевга қарши октагонга кўтарилади.
«Бу шартномам бўйича сўнгги жангми? Ҳа. Аммо унинг UFC'даги охирги жангим бўлишини истамайман. Катта жангларда иштирок этишни хоҳлайман. Асосий мақсадим — чемпионлик камарини қўлга киритиш. Ҳанузгача бунга қодир эканимни ҳис қиляпман. Буни амалга ошира олишимга ишонаман. Шартномам узайтирилишини истайман, аммо бунинг учун UFC'га катта номларга қарши жанг қилишни хоҳлашимни исботлашим керак», — деди Пейж Ариэль Ҳелвани подкастида.
39 ёшли Майкл Пейж UFC'даги фаолиятини 2024 йилда бошлаган. Ҳозирга қадар у промоушенда 5 та жанг ўтказиб, 4 та ғалаба ва 1 та мағлубият қайд этган.
Ҳавола :
Манба : championat.com
Фикрлар