17 янв 09:28
Янгиликлар

Бокс/ММА

44 ёшли Олейникнинг нега UFC 270'даги жангдан олингани маълум бўлди

UFC 270 турнирининг асосий кардидан ўрин олган жангларнинг бирида жуфтлик ўзгаргани ҳақида хабар берган эдик.

Россиялик 44 ёшли Алексей Олейник (59-15-1 MMA, 8-6 UFC) Грег Хардига қарши нега жанг қила олмаслиги ойдинлашди. У автофалокатга учраган. Спортчининг ўзи жанг қилиш истагида бўлган, аммо шифокорлар унга рухсат беришмаган.

"Алексей йўл транспорт ҳодисасига учраганидан сўнг, уни бир ойга четлатишди. Ўзи жанг қилмоқчи эди, аммо шифокорлар бунга қарши бўлишди", - дейди Олейникнинг жамоадошларидан бири.

Эслатиб ўтамиз, Алексей Олейникнинг ўрнини келиб чиқиши молдова-украиналик бўлган 26 ёшли Сергей Спивак (13-3 MMA, 4-3 UFC) эгаллаган.