22 янв 15:36
Янгиликлар

Бокс/ММА

44 ёшли UFC афсонаси бугунги жисмоний ҳолатини кўрсатди + ФОТО

Канадалик собиқ UFC чемпиони Жорж Сен-Пьер ижтимоий тармоқдаги саҳифасига сурат жойлаб, ўз кузатувчиларига ҳозирги кўринишини намойиш қилди.

"Қуруқ ва очлик - бу максимал интизом дегани. Атиги бир неча соат қолди", - дея суратга изоҳ қолдирган Сен-Пьер.

Айни дамда канадалик фахрий аралаш яккакураш устаси 44 ёшда. Жорж сўнгги марта 2017 йилнинг ноябрида Буюк Британия вакили Майкл Биспингни мағлуб этган ва шундан сўнг фаолиятини якунлаган эди. У MMA’да жами 28 та жанг ўтказиб, 26 ғалаба (8 та нокаут) ва икки мағлубият қайд этган.