5 та ташаббус амалда - Қорақалпоғистонда навбатдаги тадбир ташкил этилди

Ўзбекистон Республикаси Президенти Ш.М.Мирзиёев томонидан илгари сурилган 5 та муҳум ташаббуснинг Иккинчи ташаббуси – ёшларни жисмоний чиниқтириш, спорт билан шуғулланишлари учун зарур шароитлар яратиш мақсадида 2019 йил 14 август куни Қорақалпоғистон Республикаси Хўжайли тумани 1-сонли мактабгача таълим муассасасида туман мактабгача таълим муассасалари тарбияланувчилари ўртасидаги "Соғломжон-палвонжон" спорт мусобақасининг иккинчи босқичи бўлиб ўтди.

Бугунги мусобакада тумандаги 1-сонли, 2-сонли, 3-сонли хамда 4-сонли мактабгача таълим муассасалари тарбияланувчилари ўзаро беллашувлар олиб боришди. Жами 32 нафар болажонлар (16 нафари қиз бола) иштирок этди. Мусобақа давомида туман БЎСМ тренер-ўқитувчилари хакамлик килишди. Бу мусобақа тарбияланувчиларда спортга бўлган катта қизиқиш уйғотди. Мусобақа кўтаринки руҳда ўтди.

Беллашув якуний натижаларига кўра 

1-ўринни 4-сонли МТМ,

2-ўринни 1-сонли МТМ,

3-ўринни 2-сонли МТМ тарбияланувчилари эгаллашди.

Спорт тадбирида туман Жисмоний тарбия ва спорт бўлимидан Т.Тажимуратов,  туман мактабгача таълим бўлимидан Г.Алманова ва Ж.Бердиниязрвалар катнашди. Ғолибларга ташлилотчилари томонидан эсдалик совғалар ва дипломлар билан тақдирландилар.

Спорт мусобақалари 20 август кунига қадар давом этади.