05 авг 08:52
Янгиликлар

Шахмат

ФИДЕ Жаҳон Кубогида сенсация! Амалдаги тож соҳибини финал остонасида мағлуб этишди

Россия Федерациясининг Сочи шаҳрида ўтказилаётган шахмат бўйича эркаклар ва аёллар ўртасидаги ФИДЕ Жаҳон Кубоги ўз якунига етиб боряпти.

Мусобақанинг умумий мукофот жамғармаси 1 892 500 долларни ташкил қилади. Ғолиб якунда 110 000 долларга эга бўлади. Кутилмаган ва шов-шувли натижа мусобақанинг ярим финалида қайд этилди. Амалдаги жаҳон тожи соҳиби Магнус Карлсен мусобақа кашфиётларидан бирига айланган польшалик 23 ёшли гроссмейстер Ян-Криштоф Дудага қўшимча тай-брекда имкониятни бой бериб қўйди.

Иккинчи ярим финал жуфтлигида эса дунёнинг энг ёш гроссмейстери бўлган россиялик Сергей Карякин ватандоши Владимир Федосеевни 1,5:0,5 ҳисобида таслим этди. Сергей Карякин ва Ян Дуда жаҳон тожи учун, Карлсен ҳамда Федосеев бронза медали учун ўзаро дона суришяпти.